Foibem-pitantanana Ankapoben'ny Hetra

Immatriculation

Paika momba ny fanomezana laharam-pamantarana ny mpandoa hetra 

Dingana arahina amin'ny fananganana orinasa

1. Ivotoeran-ketra mifanaraka amin’ny fonenan’ny mpandoa hetra (handoavana ny hetra tambatra na ny ampaham-bola narotsaka mialoha).
2. Instat Anosy (hakana ny karatra statistika)
3. Ivotoeran-ketra (hakàna ny laharam-pamantarana ny mpandoa hetra)
4. Rejisitry ny varotra eny Anosy

Taratasy ilaina ahazoana ny laharam-pamantarana ny mpandoa hetra

1. Kara-panondrom-pirenena na karatry ny mponina ho an’ny vahiny.
2. Karatra statistika
3. Tapakila sy taratasy fandrotsaham-bola momba ny hetra tambatra na ny ampaham-bola aloa mialoha
4. Fanamarinam-ponenana,
5. Kisarisary misy ny toeram-piasana voamarin'ny fokontany,
6. Titra ny fananan-trano, (ho an'ireo manofa, na mahazo alalana ampiasana ny trano),
7. Kara-piara ho an’ireo mpitatita entana, mpitatitra olona, mpampanofa fiara
8. Fahazoan-dalana ho an’ireo fiara karetsaka sy ny fiara mpitatitra olona.
9. Fahazoan-dalana ho an’ireo mpivarotra zava-pisotro misy alikaola.
10. Fanomezan-dalana avy amin’ny Ministera ho an’ny sekoly, ny mpitrandraka harena an-kibon’ny tany, ny toeram-panatobiana fanafody,… (sy ireo asa hafa ilana fanomezan-dalana)
11. Fanomezam-pahefana voamarina raha toa ka misy tsy fahatongavan’ny mpangataka ny fanamarinana ny laharam-pamantarana sy ny kara-panondrom-pirenen’ny nomem-pahefana.
12. Sata voasoratra, fifanaraham-pitoerana na didim-pitondrana manendry ny famoaham-bola na tapakila fandrotsaham-bola avy amin’ny fandraharahana isam-paritra, fanamarinam-pisiana, kara-panondrom-pirenena sy fanamarinam-ponenan’ny mpitantana na ny filoha, karatra statistika ho an’ny fikambanana na ONG. Ho an’ireo karazan’orinasa hafa rehetra hatonina ny EDBM.
13. Nomerao ny kaonty ammin'ny Banky,
14. Nomerao ny fangatahana fisoratana anarana tao amin'ny NIFONLINE sy ny taratasy fameno misy izany fangatahana fisoratana amin'ny fanisana izany.

Taratasy ilaina ahazoana dikasolo

1. Fanamarinana fanambarana fahaverezana avy amin’ny paositry ny pôlisy na ny paositry ny zandarimaria raha toa ka nisy fahaverezana.
2. Kara-panondrom-pirenena, (kara-panondrom-pirenen’ny mpitantana ho an’ny orinasa), karatra statistika, fanamarinam-ponenana,(fanamarinam-ponenan’ny mpitantana sy fanamarinam-pisiana ho an’ny orinasa), toe-ketra, kara-pamantarana ny asa aman-draharaha (CF na CIS)
3. Fangatahana an-tsoratra.

Taratasy ilaina mikasika ny fitsaharana amin'ny asa

1. Fangatahana fitsaharana nankatoavin’ny tompon’andraikitry ny ivotoeran-ketra ho an’ny orinasan’olon-tokana na fitanana an-tsoratra mirakitra ny fanafoanana voasoratra am-boky ao amin’ny biraon-ketra mitantana ny antontan-taratasiny ho an’ny orinasa (dikany roa)
2. Ny karatra na fanamarinana ny fanambarana fahaverezana avy amin’ny paositry ny pôlisy na ny paositry ny zandarimaria raha toa ka misy fahaverezan’ny matoan’ny fanamarinana.